電影 - Joker: Folie à Deux - 小丑：雙瘋

被稱為神作嘅第一集，嗰種趨向瘋狂嘅可能性，哩一集徹徹底底咁將佢拉回現實，觀眾就好似今集電影入邊嘅Lady Gaga一樣，最終只會離佢而去，因為呢個小丑根本就唔係大家所嚮往果個。

或者導演正正就係咁樣寫左一個殺人犯嘅狂想曲，而譜寫狂想曲嘅同時又遇上大家對於社會嘅不滿，就係咁樣締造左一個做神工程，可惜嗰個人只不過係一個凡人，只係咁啱佢擁有被欺凌、被厭惡，鬱鬱不得志嘅背景，亦都係大家所面對嘅困難，但係事實上嗰個殺人犯只不過係一個因為憤怒而殺人，冇咩神奇力量，冇咩精神分裂，冇咩革命意志，一切就只係咁樣，完。

不過撫心自問，今集電影流暢度其實一般，有啲斷斷下咁，不過攝影、編排同埋演員嘅能耐實在係水準之上，只可惜唔係我哋所想嘅，就正如電影中嘅Lady Gaga一樣。

所以原則上佢並唔係Jack Napier，而有錢粉絲都唔係Harley Quinn，一切都係我哋嘅一廂情願。

但唔係咁，你又唔會有咁嘅反應，導演你好嘢。